Тошкент вилоятида ИИВнинг ўқ отиш полигони қурилади
Вилоят ҳокими қарори билан ИИВга Паркент туманидан доимий фойдаланиш ҳуқуқи билан 27 гектар ер ажратилади.
Мазкур ер майдонида Ички ишлар вазирлиги Қоровул қўшинлари ҳарбий қисми учун ўқ отиш полигони ташкил этилади.
Буюртмачи:
-
Давлат хизматлари маркази орқали архитектура режалаштириш топшириғи ишлаб чиқиш учун буюртмалар беради ҳамда лойиҳа-смета ҳужжатлари тайёрлаш учун лицензияга эга лойиҳа ташкилоти билан ўрнатилган тартибда шартнома тузади;
-
Лойиҳалаш учун ерости муҳандислик иншоотларининг ижро сурати туширилган 1:500 нисбатдаги топографик харита ва геологик хулоса ишлаб чиқиш учун лицензияга эга корхонага буюртма беради.
Шунингдек, ҳудудда жойлашган муҳандислик тармоқларини кўчириш ёки муҳофаза ҳудудини сақлаб қолиш ишлари олиб борилиши белгиланди.
Эслатиб ўтамиз, 2024 йил апрел ойида Наманган вилояти Уйчи туманидаги 6-сон тергов ҳибсхонаси ҳудудида Жазони ижро этиш департаментининг ўқув полигонини ташкил этиш белгиланганди. Полигонни 2025 йил 31 декабрга қадар қуриб битириш топшириғи берилган.
