“Трампнинг ғалабаси Украинадаги урушнинг тугашини англатади
” The Spectator шундай сарлавҳа остида мақола эълон қилди.
“Доналд Трампнинг сайловлардаги ғалабаси Украинадаги урушнинг тугашидан дарак беради ва, эҳтимол, Владимир Путинга қонли можаронинг деярли уч йили давомида босиб олган ҳудудларнинг катта қисмини, балки бутун ҳудудни назорат қилишни қолдиради. Кўплаб украиналиклар учун бундай якун уларнинг курашига хиёнат, Ғарбнинг орқадан урган зарбаси бўлиб, ўнлаб йиллар давомида ғазаб ва норозилик уруғини сочади. Бироқ бошқалар учун кўпроқ ерлар йўқотилмасдан ва ўн минглаб украиналик ёшлар ҳалок бўлмасдан олдин можаронинг тез тугаши, мамлакат инфратузилмаси, иқтисодиёти ва бутун бир авлод бутунлай йўқ қилинишидан олдин, ўз ватани учун муносиб келажакни сақлаб қолишнинг энг яхши умиди ҳисобланади” – дейилади мақолада.
Мақолада Зеленскийнинг собиқ жамоасидаги номсиз арбобнинг сўзлари ҳам келтирилган.
“Ҳозирги босқичда биз ғалаба ҳақида эмас, омон қолиш ҳақида гапиряпмиз. Украинанинг йўқотган ҳудудларини қайтариб олиш амалий имконияти нолдан ҳам паст” – деди у.
