Грузияда МСК раҳбарининг юзига бўёқ сепилди
У сайлов натижаларини сохталаштиришда айбланган.
МСК раиси Гиоргий Каландаришвили ҳукмрон “Грузия орзуси” партияси парламент сайловида 53,93 фоиз овоз олганини маълум қилди. Шундан сўнг “Бирлашган миллий ҳаракат” вакили Давит Киртадзе унинг юзига қора бўёқ сепди", деб ёзади Publika.
“Сизлар грузин халқини эшитмайсиз, норозилик билдираётган талабаларни эшитмайсиз. Сизлар Грузиянинг келажагини, бизнинг келажагимизни тортиб олдингиз ва бизнинг мамлакатимизни Россия томон итариб юборяпсиз. Сени раис деб ҳам айтолмайман, сен қора доғсан”, — деди Киртадзе Марказий сайлов комиссияси раисига мурожаат қилиб.
Айни пайтда Грузия мухолифати томонидан “сохталаштирилган”, деб аталган парламент сайлови натижаларига қарши Марказий сайлов комиссияси биноси олдида норозилик намойиши бўлиб ўтмоқда.
