Тошкентда Toyota, Malibu-2 ва Cobalt тўқнашди
ЙТҲ юзасидан Тошкент шаҳар ЙҲХБ расмий изоҳ берди.
Жорий йилнинг 17 ноябрь куни соат 21:30 да Юнусобод тумани Амир Темур кўчаси Тошкент телеминораси қаршисида йўл-транспорт ҳодисаси юз берди.
Тошкент шаҳар ИИББ ЙҲХБ хабарига кўра, ҳайдовчи Н.С. бошқарувидаги Toyota русумли, О.Ш. бошқарувидаги Malibu-2 ҳамда А.И. бошқарувидаги Cobalt русумли транспорт воситалари иштирокида йўл-транспорт ҳодисаси содир бўлган.
ЙТҲ натижасида Malibu транспорт воситасининг йўловчиси ва ҳайдовчисига биринчи тиббий ёрдам кўрсатилган.
Мазкур ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ишлари олиб борилмоқда.
