Тошкентдаги “Анҳор”да эркакнинг жасади топилди
Ҳолат юзасидан Бош прокуратура маълумот берди.
Ижтимоий тармоқларда Беруний метроси томонда сув ичида одамнинг жасади топилганлиги ҳақида хабар тарқалди.
Бош прокуратура матбуот котиби Ҳаёт Шамсутдиновнинг маълум қилишича, жорий йилнинг 12 ноябрь куни Чилонзор тумани, Бешёғоч МФЙ ҳудудидан оқиб ўтувчи “Анҳор” каналида рус миллатига мансуб эркак кишининг чўкиб кетганлиги бўйича хабар берилган.
Воқеа жойига қутқарувчилар бориб, фуқарони қидириш чораларини кўрган. Эртаси куни Учтепа туманида яшовчи Г.И. 24 ёшли ўғли А.Б.нинг йўқолиб қолгани ҳақида ариза билан мурожаат қилиб, 11 ноябр куни яшаш жойидан чиқиб кетиб қайтиб келмаганини айтган.
Бугун, 20 ноябр)мутахассислар А.Б.нинг жасадини ГЭС-4 ҳудудидан топишган. Йиғилган ҳужжатлар туман прокуратурасига юборилган.
