Иссиқхоналарга табиий газ бўйича чеклов қўйилдими?
Тармоқда тарқалган хабарларга расмий изоҳ берилди.
Қайд этилишича, Вазирлар Маҳкамасининг 2024 йил 31 майдаги 319–сон қарори билан тасдиқланган Табиий газдан фойдаланиш қоидаларига асосан иссиқхоналар табиий газ учун тўловларни амалга оширган ҳолда фойдаланишлари мумкин бўлиб, уларга табиий газ етказиб бериш бўйича ҳеч қандай чекловлар мавжуд эмас.
Қайд этилишича, иссиқхона эгалари белгиланган тўловларни амалга ошириб, табиий газдан фойдаланишлари мумкин.
Маълумот учун, иссиқхона хўжаликларига ҳосил йилининг дастлабки 3 ойида (октябрь, ноябрь ва декабрь) етказиб бериладиган табиий газ учун олдиндан тўлов 50 фоиз миқдорида, қолган қисми ой якунига қадар, кейинги ойлардан бошлаб эса ҳар ойда 100 фоиз олдиндан тўлов амалга оширилади.
