Ўзини касал деб алдаб, одамлардан пул йиғган аёл ушланди
У ТикТокда канал очиб, одамлардан даволаниш учун ёрдам сўраган.
Бухоро вилоятининг Жондор туманида яшовчи 38 ёшли аёл соғлом бўлса-да, Tik-Tok платформасида канал очиб, гўёки ўзини жигар циррози ва бош мия саратони касаллигига чалинган қилиб кўрсатган. Шу тариқа даволаниши учун катта миқдорда пул зарурлигини айтиб, видео тасвирга олиб каналига жойлаган.
Аниқланишича, у бир фуқародан 5 млн сўмдан ортиқ пулларни пластик картасига ўтказишга эришган. Бошқа фуқаролар ҳам унга 1 млн ва 1,5 млн сўм миқдорида хайрия ёрдамини ташлаб берган. Фирибгар пулларни ўз эҳтиёжлари учун сарфлаб юборган.
Аёлга нисбатан ЖКнинг 57-моддасига асосан, жиноят иши қўзғатилган. Ҳолат юзасидан суд иши ЖИБ Жондор туман судида кўриб чиқилди.
Суд ҳукмига кўра, Н.М. ЖКнинг 168-моддаси 3-қисми билан айбдор деб топилиб, унга нисбатан беш йил муддатга озодликни чеклаш жазоси тайинланди.
