Сунъий интеллект шеър ёзишда Шекспирни ортда қолдирди

Питсбург университети олимлари сунъий интеллект шеър ёзишда одамлар билан қандай рақобатлаша олишини аниқлашга қарор қилишди.

 

Тажрибада 696 нафар кўнгилли иштирок этди. Ҳар бир иштирокчига тасодифий тартибда 10 та шеър кўрсатилди. Улардан бештаси машҳур шоирлар, жумладан, Уилям Шекспир, Лорд Байрон, Эмили Диккинсон томонидан, бештаси эса ChatGPT 3,5 тили модели томонидан худди шу шоирлар услубида ёзилган.

 

Олимлар қайси шеърлар ўқувчиларга кўпроқ ёққанини аниқлашга қарор қилишди.

 

Натижага кўра, одамлар сунъий интеллект ёрдамида яратилган шеъриятни инсон томонидан ёзилган шеъриятдан афзал кўрган, доимий равишда сунъий интеллект асосидаги шеърларни машҳур шоирлар шеърларидан турли сифат ўлчовлари бўйича сезиларли даражада юқори баҳолаган.

 

Олимларнинг таъкидлашича, бундай афзаллик AI томонидан ёзилган шеърлар одамлар томонидан ёзилган шеърларга қараганда осонроқ тушунилиши билан боғлиқ.