Тошкентда иккита юк машинаси тўқнашди
ЙТҲ оқибатида Isuzu ҳайдовчиси қурбон бўлди.
Тошкент шаҳар ИИББ ЙҲХБ Янгиҳаёт туманида содир бўлган йўл-транспорт ҳодисаси бўйича маълумот берди.
Қайд этилишича, 26 ноябр куни соат 20:30 ларда Янгиҳаёт тумани 4Р21 кўчаси 40 ёшли Қ.А. бошқарувидаги юк транспорт воситаси ва 37 ёшли И.Қ бошқарувидаги Isuzu русумли транспорт воситаси тўқнашиши оқибатида йўл-транспорт ҳодисаси содир бўлган.
ЙТҲ оқибатида Isuzu юк транспорт воситасининг ҳайдовчиси воқеа жойида вафот этган.
Мазкур ҳолат юзасидан Тошкент шаҳар ИИББ Тергов бошқармаси томонидан Жиноят кодексининг 266-моддаси (транспорт воситалари ҳаракати ёки улардан фойдаланиш хавфсизлиги қоидаларини бузиш) 2-қисми билан жиноят иши қўзғатилиб дастлабки тергов ҳаракатлари олиб борилмоқда.
"Барча йўл ҳаракати қатнашчиларидан қоидаларга риоя қилишларини тезликни белгиланган меъёрлардан оширмасликларини сўраймиз", — дейилади хабарда.
