Қашқадарёда сохта ИИО ходими ушланди
Ушбу шахс катта лейтенант унвони билан фуқароларни алдаб, уларнинг ишончига кирган.
Тезкор тадбир давомида Ички ишлар органларининг хизмат кийимини кийган ҳолда ўзини ИИО ходими деб таништириб, фуқароларнинг пулларини ўзлаштириб келган шахс ушланди.
У катта лейтенант унвони билан фуқароларни алдаб, уларнинг ишончига кирган.
Маълум бўлишича, жорий йилнинг февраль ойида Ғузор ва Қамаши туманида яшовчи фуқароларни алдаб, ҳар бирининг номига 11 млн сўмдан жами 22 млн сўмлик кредит ва бошқа моддий бойликларни расмийлаштирган. Сўнгра ушбу пулларни қўлга киритиб, ўзининг эҳтиёжлари учун ишлатиб юборган.
Ушбу сохта ходимнинг шахсига аниқлик киритилиб, процессуал тартибда ушланган. Холислар иштирокида унинг уйидан ИИОнинг кийимлари ашёвий далил сифатида олинган.
Ҳозирда "сохта ходим"га нисбатан ЖКнинг 168-моддаси 3-қисми "Б" банди билан жиноят иши қўзғатилган.
