Андижонда бир гуруҳ шахслар фуқаронинг машинасига тош отиб, ҳужум қилди
Ҳолат юзасидан расмий маълумот берилди.
Маълум қилинишича, ушбу ҳолат жорий йилнинг 20 ноябрь куни фуқаро Ю.Д. ва бошқалар томонидан содир этилган.
Улар олдиндан жиноий тил бириктириб, бир гуруҳ бўлиб, фуқаро Л.А.ни бошқарувида бўлган Cobalt русумли автомашинасида пул маблағларини ташиш билан шуғулланишини билиб, унга ҳужум қилган.
Бироқ ўша вақтда Л.А. автомашинасида ҳодиса жойидан қочганлиги сабабли жиноятни ўзларига боғлиқ бўлмаган ҳолда охирига етказа олмаган.
Мазкур ҳолат бўйича ЖКнинг 164-моддаси 2-қисми "б" банди билан жиноят иши қўзғатилиб, Ю.Д. процессуал тартибда ушланган.
Ҳозирда жиноят иши бўйича ИИО томонидан дастлабки тергов ҳаракатлари олиб борилмоқда.
