Ўзбекистонда 20 га яқин мансабдор жазоланди

Қиш мавсумига тайёргарлик кўриш ва уни беталафот ўтказиш, истеъмолчиларга ёқилғи-энергия ресурсларини барқарор етказиб бериш ҳамда уларни тежаш бўйича берилган топшириқлар ижросини таъминлашда сусткашликка йўл қўйган айрим раҳбарларнинг шахсий масъулиятини янада ошириш мақсадида Вазирлар Маҳкамасининг тегишли фармойиши қабул қилинди.

 

Мазкур ҳужжатга асосан ҳудудлардаги бир қатор масъулларга интизомий жазо қўлланилган.

 

Хусусан, электр энергияси ва табиий газни иқтисод қилиш бўйича белгиланган режага амал қилмагани, энергия ресурсларидан фойдаланишда лимитдан ошишига йўл қўйгани ҳамда назоратни таъминламагани учун Оқолтин тумани ҳокими K.Ernazarov, Мирзаобод тумани ҳокими O.Raxmonqulov, Бўстонлиқ тумани ҳокими J.Axmedov, Бекобод тумани ҳокими ш.Дўсбеков, Зангиота тумани ҳокими E.Rustamov, Тошкент тумани ҳокими S.Ergashev, Янгийўл тумани ҳокими O.Ataullayev, Қўқон шаҳар ҳокими M.Usmonov, Боғдод тумани ҳокими Ғ.Солиев, Бешариқ тумани ҳокими Р.Жўраев, Сўх тумани ҳокими S.Saidmusayev, Фурқат тумани ҳокими E.Asronqulovga «ҳайфсан» берилган.

 

Шунингдек, электр энергияси ва табиий газ талон-торож қилинишига йўл қўйгани учун Қорақалпоғистон Республикаси Сув хўжалиги вазири B.Juzbayev, Андижон вилояти ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари K.Komilov, Наманган вилояти ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари Ғ.Муродхўжаев, Тошкент вилояти ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари O.Sultonbekov, Андижон тумани ҳокими Б.Йўлдошев, Беруний тумани ҳокими I.Xidirovga «ҳайфсан» эълон қилинган.

 

Бундан ташқари, ҳудудларда аҳолига кўмир тарқатишни кечиктириш, сифатсиз кўмир тарқатиш каби ҳолатлар жуда кўп кузатилгани ҳамда ушбу ҳолатларни зарур даражада назоратга олмагани учун «Ўзбеккўмир» АЖ бош директори ўринбосари E.Yoqubov охирги марта огоҳлантирилган.

 

Фармойиш билан тегишли вазирлик ва идораларга кўрсатилган шаҳар ҳамда туманлар сектор раҳбарлари фаолиятига баҳо бериб, уларга нисбатан тегишли чора кўриш ҳамда натижалари тўғрисида бир кун муддатда Вазирлар Маҳкамасига ахборот киритиш топширилган.