Андижондаги фермер хўжалиги 160 млн сўмлик электрни ўғирлади
Ҳозирда ҳолат юзасидан жиноий иш очилган.
Бош прокуратура ҳузуридаги Департаментнинг Асака ва Қўрғонтепа тумани бўлимлари томонидан “Ўзэнергоинспекция” Андижон вилоят бошқармаси ходимлари ҳамкорлигида ўтказилган тадбирларда “A.x.” МЧЖ раҳбари А.А. ва “S.B.” фермер хўжалиги масъул шахслари умумий фойдаланишдаги электр тармоғига тижорат мақсадида ўзбошимчалик билан уланиб, жами 160,9 млн. сўмлик электр энергиядан ноқонуний фойдаланганликлари аниқланган.
Ҳозирда мазкур ҳолат юзасидан Жиноят Кодексининг 169-моддаси (ўғирлик) билан жиноят ишлари қўзғатилиб, тергов ҳаракатлари ўтказилмоқда.
