Павел Дуров Парижда биринчи марта сўроқ қилинди
Сўроқ тафсилотлари ҳозирча номаълум.

Маълумотларига кўра, Telegram асосчиси 6 декабр куни эрталаб адвокатлари ҳамроҳлигида сўроққа келган ва “француз адлиясига ишонишини" айтган. Дуров бошқа изоҳ бермади. Сўроқ тафсилотлари номаълум.
Павел Дуров август ойи охирида Париж аэропортида қўлга олинган эди. Франция прокуратураси уни бир нечта жиноятларда, жумладан, гиёҳванд моддаларни тарқатиш ва болалар порнографиясига шериклик, шунингдек, ваколатли органлар сўровига кўра маълумот беришдан бош тортишда айблаган эди. Кейинроқ Дуров гаров эвазига озод қилинган ва унинг Франциядан ташқарига чиқишига тақиқ қўйилганди.







