Самарқандда директор ўринбосари ўқувчини калтаклади
Ҳолат юзасидан расмий муносабат билдирилди.
Ижтимоий тармоқларда Самарқанд вилоятидаги мактаблардан бирида ўқитувчи дарс жараёнида ўқувчисини калтаклагани акс этган видео тарқалганди.
Ҳолат юзасидан Самарқанд вилояти Мактабгача ва мактаб таълими бошқармаси ишчи гуруҳи ўрганишлар олиб бориб, расмий муносабат билдирди.
Аниқланишича, ушбу ҳолат 26-умумий ўрта таълим мактаби директорининг ўқув ишлари бўйича ўринбосари М.Ш. томонидан содир этилган. У 8-“А” синфга тарбия фанидан дарс ўтиш жараёнида ўқувчи Х.А. нинг дафтари йўқлиги учун ургани маълум бўлган.
Ўқитувчи М.Ш. ушбу ҳаракатлари билан тегишли қонунларни қўпол равишда бузганлиги учун мактаб директорининг тегишли буйруғига асосан, унга нисбатан “ҳайфсан” интизомий жазо чораси қўлланилди.
