Нукусда 1 мдрд сўмлик кўмир талон-тарож қилинди
Ҳозирда ҳолат юзасидан жиноий иш очилган.
Қорақалпоғистон Республикасининг Нукус туманида ижтимоий соҳа объектларини иситиш учун етказиб берилган кўмирни талон-торож қилиш ҳолатлари аниқланди.
Хусусан, давлат хусусий шерикчилик битимига асосан кўмир етказиб берувчи “N.A.” МЧЖга ижтимоий соҳа объектларини иситиш учун етказиб берилган кўмир ўлчовдан ўтказилган. Натижада МЧЖ масъул шахслари умумий баҳоси 1 млрд сўмлик жами 2 514 тонна кўмирни талон-торож қилганликлари аниқланган.
Мазкур ҳолатлар юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) билан жиноят ишлари қўзғатилиб, тергов ҳаракатлари ўтказилмоқда.
