Тошкентдаги мактабда ўқувчилар карта ўйнадими?
Тармоқда тарқалган видео юзасидан маълумот берилди.
Ижтимоий тармоқда Олмазор туманидаги 234-мактаб ўқувчилари дарс вақтида карта ўйнаб ўтиргани айтилган видео тарқалмоқда. Ҳолатга Тошкент шаҳар Мактабгача ва мактаб таълими бошқармаси муносабат билдирди.
Аниқланишича, 14 декабрь куни 1-соатдан сўнг 9-“А” синф ўқувчилари карта эмас, “Уно” ўйинини ўйнаганлиги акс этган видеолавҳа тарқалган. Мазкур хабар эълон қилингач, мактаб маъмурияти томонидан синф раҳбари, психолог иштирокида 9-“А” синф ўқувчилар билан тушунтириш ишлари олиб борилган.
Шунингдек, мактаб маъмурияти навбатдан ташқари ўтказилган йиғилишда ўқитувчи ва синф раҳбарларига ўқувчиларнинг бўш вақтларини мазмунли ташкил этиш бўйича чора-тадбирлар белгилаб, ўз тавсияларини берган.
