Бўстонлиқда уч киши ис газидан заҳарланиб вафот этди
Ҳолат юзасидан Бош прокуратура маълумот берди.
Қайд этилишича, ушбу бахтсиз ҳодиса жорий йилнинг 19 декабрь куни Бўстонлиқ тумани “Фазогир” МФЙ Фазогир кўчасидаги хонадонда содир бўлган.
Аниқланишича, 1981 йилда туғилган эркак С.п. ва 1989 йилда туғилган аёли С.Н., шунингдек, 2016 йилда туғилган фарзанди М.Б. яшаш хонадонида вафот этган.
Дастлабки маълумотларга кўра, С.Н.нинг ўлими ис газидан заҳарланиш оқибатида содир бўлган.
Мазкур ҳолат юзасидан туман прокуратураси томонидан терговга қадар текширув ҳаракатлари олиб борилмоқда.
