Трамп Шолц билан Украинадаги вазиятни муҳокама қилди
Бу уларнинг Трамп президентлигидаги иккинчи мулоқоти.
"Суҳбат чоғида ҳар икки сиёсатчи ҳам “Россиянинг Украинага қарши уруши жуда узоқ давом этмоқда, имкон қадар тезроқ адолатли ва барқарор тинчлик йўлидан бориш муҳим” деган фикрга келишди", — дея маълум қилди Германия ҳукумати вакили Штеффен Хебштрейт.
Бу Олаф Шолцнинг Доналд Трамп билан унинг АҚШдаги президентлик сайловида ғалаба қозонганидан сўнг иккинчи телефон суҳбати бўлди.
"Шолц Европа Иттифоқи етакчилари саммитида иштирок этиш учун Брюсселда бўлиб турибди. Бир кун олдин Германия канцлери ва бошқа бир қатор Европа давлатлари етакчилари ҳамда ташқи ишлар вазирлари Украина президенти Володимир Зеленский ва NATO бош котиби Марк Рютте билан махфий музокаралар ўтказган эди", дея қайд этади DPA.
