Эрон электр таъминотига чекловлар киритмоқда
Шу сабаб корхоналар фаолиятини тўхтатмоқда.
Эрон электр таъминотида чекловларни жорий қилмоқда ва давлат муассасалари ҳамда корхоналар фаолиятини тўхтатмоқда. Бу ҳақида The New York Times газетаси хабар берди.
Бунга сабаб — энергетика соҳасидаги инқироз бўлиб, у ноябр ойида Эроннинг заиф инфратузилмаси ва Исроил томонидан уюштирилган газ қувурларининг портлатилиши туфайли юзага келган.
Маълумотларга кўра, энергетика инқирози оқибатида жорий ҳафта давомида Эрон иқтисодиётида ишлаб чиқариш камида 30-50% га қисқарган, зарар эса ўнлаб миллиард долларни ташкил этиши мумкин.
