Россиядаги мигрантлар сони қанчалиги айтилди
2024 йилда 1 млн киши Россиядан чиқиб кетган.
Россияда бир вақтнинг ўзида бўлиб турган хорижий фуқаролар сони қарийб 6,5 миллион нафарни ташкил этмоқда. Бу ҳақида Россия ИИВ матбуот хизмати маълум қилди.
“Ҳар йили тахминан 11-12 млн нафар чет эл фуқароси Россия Федерацияси ҳудудига кириб келади ва чиқиб кетади. Бир вақтнинг ўзида Россияда бўлиб турганлар сони 6,5 млн атрофида. Ушбу рақамлар, пандемия даврини ҳисобга олмаганда, узоқ йиллардан буён барқарор сақланиб турибди”, — дейилади РФ ИИВ баёнотида.
“Мигрант-Сервис” платформаси директори Андрей Кладовнинг айтишича, 2024 йилда Ўзбекистон, Тожикистон ва Қирғизистоннинг жами 1 млн нафар фуқароси Россиядан чиқиб кетган.
