Янги йилнинг илк кунида қанча чақалоқ туғилди?
ССВ бу бўйича маълумот берди.
2025 йил 1 январь соат 17:00 ҳолатига кўра, мамлакатимизда жами 1040 нафар чақалоқ дунёга келди.
Уларнинг 492 нафари ўғил, 548 нафари қиз. Энг кўп туғилиш Фарғона вилоятида (154 нафар) қайд этилди.
Шунингдек, ҳудудлар кесимида кейинги ўринларни:
🔹Қашқадарё вилояти (119 нафар),
🔹Тошкент шаҳри (112 нафар),
🔹Самарқанд вилояти (101 нафар),
🔹Сурхондарё вилояти (89 нафар) банд этди.
Энг кам туғилиш эса Навоий вилояти (18 нафар) ҳиссасига тўғри келди.
Эътиборлиси, туғилганлар орасида 7 эгизак (жами 15 нафар бола) бор, яъни 12 нафари икки ҳомилалик, 3 нафари эса уч ҳомилалик эгизакдир.
Айни пайтда шифокорларимиз гўдакларнинг барчасига белгиланган стандартлар бўйича сифатли тиббий хизмат кўрсатмоқда.
