Чет тилини биладиган ходимларга устама бериш тўхтатилди
Ушбу тартиб 2022 йилда бошланганди.
2025 йил 1 январдан бошлаб хорижий тиллардан миллий ва халқаро сертификатга эга давлат бошқарув идораларининг барча бўғинлари ходимларига қўшимча устама тўлаш тўхтатилди. Бу ҳақида “2025 йил учун Ўзбекистон Республикасининг Давлат бюджети тўғрисида”ги Президент қарорида келтирилган.
Чет тилни биладиган давлат хизматчиларига устама тўлаш 2022 йил 1 январдан бошланган эди. Устама миқдори ходимнинг лавозим маошига нисбатан 20 фоизгача деб белгиланган эди (ташкилотларнинг бюджетдан ташқари ҳамда иш ҳақи фонди доирасида бюджет маблағлари ҳисобидан). Орадан 2 йил ўтиб, бу тартиб бекор қилинди.
Аввалроқ 2025 йил 1 январдан бошлаб умумий ўрта таълим муассасаларида дарс берувчи она тили ва адабиёти ҳамда тарих фани ўқитувчиларига 50 фоиз миқдорида ҳар ойлик қўшимча устама тўланиши хабар қилинганди.
