Фарзандини мактабга юбормаган аёл жазоланди
У ўқиш даврида боласига уй юмушларини қилдирган.
Қонунчиликка кўра, ота-оналар ёки уларнинг ўрнини босувчи шахслар томонидан вояга етмаган болаларни тарбиялаш ва уларга таълим бериш борасидаги мажбуриятларни бажармаслик 375 минг сўмдан 1 млн 875 минг сўмгача жарима солишга сабаб бўлади.
Андижон вилояти Балиқчи туманида ҳам аёл ўз фарзандини мактабга юбормасдан уй юмушларини қилдиргани учун ҳудуд профилактика инспектори томонидан жаримага тортилган. Фарзанди таълимига бефарқ она маъмурий жаримани ҳам ўз вақтида тўламаган.
Бюро ходимлари томонидан берилган огоҳлантиришдан сўнг, аёл фарзандини мактабга юбормаганлиги учун қўлланилган 375 000 сўм жаримани тўлади.
