“Чорсу” бозорида сифатсиз гўшт сотиляптими?
Тармоқда тарқалган хабарларга изоҳ берилди.
Ижтимоий тармоқда Тошкент шаҳридаги “Чорсу” бозорида сифатсиз гўшт сотилаётгани айтилган хабарлар тарқалмоқда. Ҳолат юзасидан Санепидқўмита Тошкент шаҳар бошқармаси расмий муносабат билдирди.
Қайд этилишича, Чорсу деҳқон бозорида ҳам доимий фаолият юритувчи лабораториялар мавжуд бўлиб, бу ерда гўшт маҳсулотларининг ветеринария-санитария экспертизаси амалга оширилади.
Шайхонтоҳур туман бўлими мутахассислари, ИИБ ва бозор маъмурияти билан ўрганиш давомида фуқароларга ажратилган йўлакда санитария қоидаларига зид равишда, ҳеч қандай ҳужжатсиз гўшт маҳсулоти (жигар) сотилаётгани маълум бўлган.
“Шу сабабли 9 кг жигар маҳсулоти савдодан олиниб, ўрнатилган тартибда йўқ қилиш чоралари кўрилди”,- дейилади хабарда.
