Самарқандда темирйўлга бетон бўлаги ташлаб кетилди
“Афросиёб” поезди катта тезликда келиб унга урилган.
Самарқанд вилоятининг Пахтачи тумани ҳудудида темирйўл устига бетон бўлаги қўйиб кетилди.
Маълум қилинишича, номаълум шахс темирйўл четида масофа ёзилган белги остидаги бетон бўлакни ковлаб олган. Сўнгра уни темирйўл устига қўйиб кетган.
Бухорога кетаётган “Афросиёб” тезюрар поезди бетон бўлагига катта тезликда келиб урилган ва маълум муддат тўхтаб қолган. Сўнгра йўлида давом этган поезд манзилга 1 соат 24 минут кечикиб борган.
Поездда 133 нафар йўловчи бўлган. Уларга тан жароҳати етмаган.
Ҳозирча ҳолат қачон бўлгани, бетон бўлагини темирйўлга ким ва нима мақсадда қўйиб кетгани, шунингдек, “Афросиёб” поездига етказилган зарар миқдори маълум эмас.
