Фарғонада 17 ёшли бола аварияга учраб, вафот этди
У амакисига тегишли машинани “правасиз” бошқарган.
Кеча, 30 январь куни Фарғона вилояти Олтиариқ туманида одам ўлими билан боғлиқ йўл-транспорт ҳодисаси юз берди.
Қайд этилишича, 2004 йилда туғилган фуқаро М.Ғ. амакиси Ё.Ғ.га тегишли “BYD Song EV” русумли автомобилини тегишли ҳужжатларсиз бошқарганлиги учун маъмурий баённома расмийлаштирилган. Автомашина жарима майдончасига олиб кетилаётганда 2007 йилда туғилган Х.Н. устози А.С.га тегишли “Damas”русумли автомобилда “Қапчуғай” маҳалласида иккинчи даражали йўлдан асосий йўлга чиқиб юбориши натижасида йўл-транспорт ҳодисаси содир бўлган.
Оқибатда “Damas” автомашина ҳайдовчиси Х.Н. тан жароҳати олиб, кўрсатилган тиббий муолажаларга қарамасдан шифохонада вафот этган.
Ҳозирда мазкур ҳолат юзасидан терговга қадар текширув ҳаракатлари олиб борилмоқда.
