Ичак саратонидан ҳимоя қилувчи 10 та маҳсулот
Тўғри овқатланиш орқали ичак саломатлигини қўллаб-қувватлаш ва саратон хавфини камайтириш мумкин.
Британиялик диетолог Женна Хоупнинг таъкидлашича, сули ёрмаси, нўхат, қора ўрик ва малинадан иборат маҳсулотлар ичак саратонининг олдини олишда муҳим аҳамиятга эга. Ушбу маҳсулотлар таркибида кўп миқдорда толалар мавжуд бўлиб, улар ичак микробиотаси фаолиятини қўллаб-қувватлайди ва овқат ҳазм қилиш тизимини яхшилайди.
Тадқиқотларга кўра, кунлик толалар миқдорини етарлича истеъмол қилмаслик йўғон ичак саратонига чалиниш хавфини оширади. Шифокорлар кунига 30 грамм тола истеъмол қилишни тавсия этадилар.
Қуйидаги маҳсулотлар айниқса толага бой ҳисобланади:
Сули ёрмаси – 50 граммли кичик косада 4,6 грамм тола мавжуд.
Нўхат – уч қошиқ билан 4,48 грамм толага эга.
Қора ўрик (қуритилган) – 100 граммда 7,9 грамм тола бор.
Малина – 20 дона мевада 5,4 грамм толага эга.
Шунингдек, қора ловия, попкорн, бодом, чиа уруғлари, авокадо ва ширин картошка ҳам толага бой маҳсулотлар қаторига киради. Айниқса, ширин картошкани пўстлоғи билан истеъмол қилиш тавсия этилади, чунки у энг кўп ўсимлик толаларини ўз ичига олади.
Комила Одилова тайёрлади
