Хитойлик блогер 140 минг доллар сарфлаб “робот”га айланди
У шу тариқа интернетда омманинг эътиборига тушди.
Хитойлик инфлуэнсер Далаотиан ўз қиёфасини робот-гуманоидга ўхшатиш учун 140 минг доллар сарфлади. 30 ёшли модель ўзининг ноодатий кўринишлари билан ижтимоий тармоқларда миллионлаб кузатувчиларни ҳайратда қолдирмоқда.
Бўйи 190 смдан баланд бўлган блогер кўчада одамларни лол қолдиради — кўпчилик унинг ким ёки нима эканлигини тушунмай қолади. У ташқарига чиқишдан олдин металл танага ўхшаш кумуш рангли тана костюми, ёрқин кўк линзалар ва кичик парик кияди.
Бундан ташқари, Далаотиан роботларнинг ҳаракатларини такрорлаб, юз ифодаларини мултфилм қаҳрамонларига ўхшатади. Унинг сўнгги видеоларидан бирида ижтимоий тармоқ тизими автоматик равишда сунъий интеллект аралашуви ҳақидаги белгилашни қўшди.
Блогернинг айтишича, унинг қариндошлари энг кўп берадиган саволлар — “Нима иш қиласан?” ва “Ойига қанча топасан?” бўлади.
Комила Одилова тайёрлади
