Янгийўлда 4 туп ясин дарахти кесиб ташланди
Оқибатда табиатга 412 млн зарар етказилган.
Тошкент вилояти Экология, атроф-муҳитни муҳофаза қилиш ва иқлим ўзгариши бошқармаси томонидан Янгийўл туманида навбатдаги экологик назорат тадбирлари ўтказилди.
Тадбир давомида Янгийўл тумани Маданият МФЙ ҳудудида 4 туп шумтол (ясин) дарахти кесилганлиги аниқланди. Ўрганиш натижасида ҳуқуқбузарлик Ў.Б. ҳамда У.A. томонидан содир этилганлиги маълум бўлди.
Дарахтлар кесилиши натижасида табиатга 412 миллион сўмдан ортиқ зарар етказилган.
Иш юзасидан тўпланган ҳужжатлар ҳолатга ҳуқуқий баҳо бериш учун Тошкент Табиатни муҳофаза қилиш прокуратурасига юборилди.
