Самарқандда “свет”дан 3 млрдлик асоссиз қарздорлик чиқди
Ҳозирда қарздорлик қайта ҳисоб-китоб қилинган.
Рақобат қўмитаси Самарқанд вилояти ҳудудий бошқармасига “HUDUDIY ELEKTR TARMOQLARI” АЖ фаолиятидан норози бўлиб “SIRALISH MEVA” МЧЖ мурожаат қилган.
Мазкур мурожаатда “HUDUDIY ELEKTR TARMOQLARI” АЖ томонидан тадбиркорлик субъектига нисбатан 3 млрд сўмдан ортиқ бўлган асоссиз қарздорлик ҳисобланганлик ҳолати аниқланди.
Ўрганиш натижаларига кўра, “SIRALISH MEVA” МЧЖнинг мурожаати асосли деб топилиб, асоссиз ҳисобланган қарздорлик қайта ҳисоб-китоб қилиниб, тадбиркорлик субъектининг мурожаати ижобий ҳал қилинди.
Шунингдек, ҳудудий бошқарма томонидан юқоридаги ҳолатлар юзасидан хизмат кўрсатувчи ташкилотга ҳуқуқий тушунтиришлар берилиб, келгусида юқоридаги ҳолатларни такрорламаслик юзасидан огоҳлантириш берилди.
