КХДР ўз фуқароларини Россиядаги қурилишларга юбормоқда

2024 йилда минглаб шимолий кореяликлар Россияга қурилиш ишларида ишлаш учун юборилган, деб хабар бермоқда "Рёнхап" ахборот агентлиги Жанубий Корея разведкасига таянган ҳолда. 

 

“Бу КХДРга фуқароларини хорижга ишлаш учун юборишни тақиқлаган БМТ Хавфсизлик Кенгаши резолюциясига зид. Бироқ Москва ва Пхеньян бу тақиқни айланиб ўтиш мақсадида ишчиларга талабалик визаси бериш йўлидан бормоқда”, дейилади хабарда.  

 

Россия расмийлари маълумотларига кўра, ўтган йили мамлакатга 13 221 шимолий кореялик келган, бу олдинги йилга нисбатан 12 баробар кўп. Уларнинг 7887 нафари Россияга ташриф мақсадини таълим олиш деб кўрсатган.