Сирдарёда ходимлар банк пулларини қиморга тикиб юборди
Бу бўйича бир нечта мансабдор жавобгарликка тортилган.
Сирдарё вилоятида банк хизматлари офиси бошлиғи ва кассири жиноий жавобгарликка тортилди. Уларнинг банк маблағларини ноқонуний равишда ўзлаштириб, 1XBET онлайн қимор платформасига тикиб юборганликлари аниқланди
Суд ҳужжатларига кўра, айбланувчилар Ўзбекистон Республикаси Жиноят кодексининг 167-моддаси ва 228-моддаси бўйича айбдор деб топилган. Улар банкнинг бир неча миллиард сўм маблағларини ўз манфаатлари учун ишлатганликда айбланган.
Суд уларга бир неча йил муддатга мансабдорлик ва молиявий масъулиятли лавозимларда ишлаш ҳуқуқидан маҳрум қилиш, шунингдек, озодликдан маҳрум қилиш ва иқтисодий жазоларни тайинлади. Шунингдек, улар томонидан ноқонуний равишда тикилган маблағларни давлат фойдасига ундириш ҳақида қарор қабул қилинди.
