Трамп Зеленский билан ҳам телефон орқали гаплашди
Улар тинчликка эришиш имкониятларини муҳокама қилган.
“Узоқ суҳбат бўлди. Тинчликка эришиш имкониятлари ҳақида гаплашдик, бунинг учун биргаликда ишлашга тайёрлигимиз ҳақида фикр алмашдик. Технологик имкониятларимиз, жумладан, дронлар ва бошқа замонавий ишлаб чиқариш соҳаларини ҳам муҳокама қилдик. Президент Трампга биз нималарни биргаликда амалга ошира олишимизга бўлган қизиқиши учун миннатдорчилик билдираман”, — деб ёзди Украина раҳбари ўзининг Теlegram-каналида.
Бундан ташқари, Владимир Зеленский Доналд Трамп билан АҚШ молия вазири Скотт Бесcент билан бўлиб ўтган суҳбатини ҳам муҳокама қилган. Қайд этилишича, томонлар хавфсизлик, иқтисодий ва ресурслар бўйича ҳамкорлик тўғрисидаги келишувга эришган. Бу келишув доирасида Украина АҚШга нодир металлар етказиб бериши, эвазига эса Қўшма Штатлардан ҳарбий ёрдам олиши кўзда тутилган.
“Украина ҳаммадан кўра кўпроқ тинчликни хоҳлайди. Россия тажовузини тўхтатиш, ишончли ва узоқ муддатли тинчликни таъминлаш бўйича АҚШ билан умумий ҳаракатларимизни белгилаб оляпмиз”, — дея қўшимча қилди Зеленский.
