Тошкентда эркак дўкондан аёллар оёқ кийимини ўғирлади
У 2 ой давомида 275 жуфт пойабзални олиб чиқиб кетган.
Чилонзор тумани ИИО ФМБга келиб тушган хабарга кўра, жорий йилнинг январь-февраль ойларида номаълум шахс йирик савдо мажмуаси омборидан 55 млн сўмлик 275 жуфт аёллар пойабзалини ўғирлаб кетган.
Кўрилган чора-тадбирлар натижасида, ушбу жиноятни содир этишда гумон қилинган 1990 йилда туғилган N.O. аниқланиб, қўлга олинган. Мазкур ҳолат юзасидан Ўзбекистон Республикаси Жиноят кодексининг 169-моддаси («Ўғрилик») билан жиноят иши қўзғатилган.
Тергов давом этмоқда. Гумонланувчига нисбатан қамоққа олиш тарзидаги эҳтиёт чораси қўлланган.
