Фарғонада поезд Nexia-3'ни уриб юборди
Ҳолат юзасидан расмий муносабат билдирилди.
19 февраль куни Фарғона вилоятида автомобиль ва поезд иштирокида ЙТҲ содир бўлди. Ҳодиса юзасидан “Ўзбекистон темир йўллари” АЖ маълумот берди.
Қайд этилишича, тахминан соат 22:30 да Охунбобоев ва Марғилон бекатлари оралиғида Nexia-3 русумли енгил автомобиль ҳаракатланиб келаётган поезд тагида қолган. Дастлабки маълумотларга қараганда, ҳайдовчи йўл ҳаракати қоидаларини бузиб, поездни “илон изи” усулида айланиб ўтишга уринган.
Ҳодиса содир бўлган жойга транспортда хавфсизликни таъминлаш хизмати ходимлари ва темирйўл мутахассислари дарҳол етиб келишган ва воқеа тафсилотларини кўздан кечиришган. Енгил автомобиль ҳайдовчиси турли тан жароҳатлари билан шифохонага ётқизилган бўлиб, ҳозирда унинг аҳволи аниқланмоқда.
Ҳозирча ҳодисанинг батафсил тафсилотлари ўрганиб чиқилмоқда.
