Ўзбекистон ва Покистон Стратегик шериклик кенгашини тузади
Бу бўйича бир қатор битимлар тўплами имзоланди.
Музокаралар якунида Ўзбекистон президенти Шавкат Мирзиёев ва Покистон бош вазири Шаҳбоз Шариф Қўшма декларация ва Олий даражадаги икки томонлама Стратегик шериклик кенгашини тузиш тўғрисидаги протоколни имзоладилар.
Ушбу ҳужжатлар Ўзбекистон-Покистон кўп қиррали ҳамкорлик муносабатларини янада ривожлантириш ва мустаҳкамлашга қаратилган.
Шунингдек, ташриф давомида имзоланган қуйидаги ҳужжатлар алмашилди:
• Фан, техника ва инновациялар соҳасида ҳамкорлик тўғрисида битим;
• Дипломатик паспорт эгаларининг визасиз сафарлари тўғрисида битим;
• Ички ишлар вазирликлари ўртасида ҳамкорлик тўғрисида битим;
• Профессионал таълим соҳасида ҳамкорлик тўғрисида битим;
• Ёшлар сиёсати соҳасида ҳамкорлик тўғрисида битим;
• Миллий ахборот агентликлари ўртасида ҳамкорлик тўғрисида битим;
• Дипломатик академиялар, Тошкент ва Лаҳор шаҳарлари ўртасида ҳамкорлик тўғрисидаги битим ва келишувлар ва бошқа ҳужжатлар.
