Энди барча мактаб битирувчилари давлат тилидан имтиҳон топширади

 

Мактабгача ва мактаб таълими вазирининг 2025 йил 20 февралдаги 65-сонли буйруғи асосида умумий ўрта таълим муассасаларида якуний давлат аттестацияси ўтказиш тартиби белгиланди. Ушбу ҳужжатга кўра, имтиҳон топшириладиган фанлар рўйхати ва баҳолаш мезонлари тасдиқланди.

 

Асосий ўзгаришлардан бири – таълим тили ўзбек бўлмаган синфларнинг битирувчилари энди давлат тилидан имтиҳон топширишлари мажбурий бўлади.

 

9-синф ўқувчилари учун имтиҳонлар:

• Она тили ва адабиёти (ўзбек синфлари) – ёзма;
• Давлат тили (таълим тили ўзбек бўлмаган синфлар) – ёзма;
• Математика – ёзма;
• Ўзбекистон тарихи – ёзма/оғзаки;
• Жисмоний тарбия – амалий.

 

11-синф ўқувчилари учун имтиҳонлар:

• Она тили ва адабиёти (ўзбек синфлари) – ёзма;
• Давлат тили (таълим тили ўзбек бўлмаган синфлар) – ёзма;
• Математика (асосий ёки чуқурлаштирилган) – ёзма;
• Тарих – ёзма.

 

Ўқувчининг танловига кўра:

 

• Она тили ва адабиёти (қорақалпоқ, рус, қозоқ, туркман, тожик, қирғиз тилларида таълим олганлар учун), Биология, Физика, Кимё, Давлат ҳуқуқ асослари, География – ёзма;
• Чет тили – ёзма/оғзаки.

 

2025 йилдан бошлаб ўзбек тилида таълим олмаган мактаб битирувчилари учун давлат тилидан имтиҳон топшириш мажбурий этиб белгиланди.

 

Қўшимча маълумотлар вазирликнинг ижтимоий тармоқлари орқали эълон қилинади.