Ирландиялик боксчи жангдан сўнг вафот этди
У бир ҳафта давомида ҳаёти учун курашган.
28 ёшли ирландиялик боксчи Жон Куни ўзининг сўнгги жангида олган бош мия жароҳатлари туфайли вафот этди. Промоутер Марк Данлопнинг маълум қилишича, спортчи бир ҳафта давомида ҳаёти учун курашган.
1 февраль куни у келтлар енгил вазн тоифасидаги чемпионлик камарини ҳимоя қилиш учун валиялик Натан Ҳауэллс билан рингга тушган. Жанг тўққизинчи раундда тўхтатилган ва Куни шошилинч тарзда шифохонага етказилган. У ерда унга мия ички қон кетишини камайтириш учун операция қилинган.
