Тошкент вилоятида рекорд оғирликдаги чақалоқ дунёга келди
Чақалоқ 7 кг 3 грамм вазнида туғилган.
Тошкент вилоятининг Янгийўл шаҳридаги туманлараро перинатал марказида вазни 7 килограмм 3 грамм бўлган чақалоқ дунёга келди. Қизалоқнинг аҳволи қониқарли деб баҳоланмоқда.
Шифокорларнинг маълумотига кўра, она кесарча кесиш орқали фарзандини дунёга келтирган. Бу унинг тўртинчи фарзанди ҳисобланади. Вилоят соғлиқни сақлаш бошқармаси бошлиғининг ўринбосари Феруза Раҳматуллаева айтишича, ҳозирда она ва чақалоқ шифокорлар назоратида.
Эслатиб ўтамиз, бундай ноёб ҳолат ўтган йилнинг ноябрь ойида ҳам Нурободда кузатилган бўлиб, у ерда деярли 7 кг вазнга эга ўғил бола дунёга келган эди.
Мутахассислар бундай вазиятлар камдан-кам учрашини таъкидламоқда ва чақалоқнинг соғлиғи доимий тиббий назоратда бўлишини билдирган.
