20 мартдан Ўзбекистонда “TEMU”блокланиши мумкин
Платформада тўловни қайтаришни ташкил этиш тавсия этилмоқда.
Ўзбекистон Республикаси Истиқболли лойиҳалар миллий агентлиги ҳамда Солиқ қўмитаси TEMU электрон савдо платформаси фаолиятини чеклаш тўғрисида хабар берди.
Маълум қилинишича, айрим электрон савдо платформалари томонидан электрон тижорат, чакана савдо, реклама, шахсий маълумотларни ҳимоя қилиш, истеъмолчилар ҳуқуқларини ҳимоя қилиш, муаллифлик ҳуқуқи ва турдош ҳуқуқлар соҳасидаги қонун ҳужжатлари талабларига риоя этмаётганлиги аниқланди.
Юқоридагилардан келиб чиқиб, ўзбекистонликлардан бугунги кундан бошлаб TEMU платформасида буюртма бермаслик, агар буюртма бундан олдин амалга оширилган бўлса, платформада тўловни қайтаришни ташкил этиш тавсия этилмоқда.
