Наманганда махсус экспорт зонаси ташкил этилади
Махсус иқтисодий зоналар учун янги имкониятлар яратилади.
Наманган вилоятида янги «Наманган» махсус экспорт зонаси ташкил этилади. Президент фармонига кўра, Инвестициялар, саноат ва савдо вазирлиги махсус иқтисодий зоналарни бошқариш бўйича ваколатли орган сифатида белгиланди. Шунингдек, хусусий секторга топширилган махсус иқтисодий зоналар фаолияти ҳам ушбу вазирлик томонидан мувофиқлаштирилади.
Махсус саноат зоналари эса маҳаллий ижро ҳокимияти томонидан бошқарилади ва уларнинг фаолияти Инвестициялар, саноат ва савдо вазирлиги томонидан назорат қилинади.
2025 йил 1 июндан махсус иқтисодий зоналар иштирокчилари маҳсулот ишлаб чиқариш ва экспорт қилиш учун керакли бўлган импорт хомашё, материаллар ҳамда бутловчи қисмларни божхона тўловларисиз расмийлаштириш имкониятига эга бўлади. Бунинг учун улар “Товарларни божхона ҳудудида қайта ишлаш” режими орқали олиб kiriladi.2028-yil 1 январга қадар махсус иқтисодий ва саноат зоналари дирекциялари ер солиғидан ҳисобланган сумманинг 1 фоизи миқдорида ижара тўловини амалга оширади.
Мазкур янгилик Наманган ва бошқа ҳудудларда ишлаб чиқариш ҳамда экспорт ҳажмини ошириш имконини беради.
