Самарқанддаги боғчада болалар калтакланди
Ҳозирда тарбиячига нисбатан жарима тайинланган.
Самарқанд вилояти Жомбой туманидаги 25-сонли давлат боғчасида тарбиячи болаларни калтаклагани аниқланди.
Ижтимоий тармоқларда тарқалган видеода тарбиячи, дастлаб, болаларга бақиргани, сўнгра улардан бир нечтасининг бошига ургани ва силтаганини кўриш мумкин.
Ҳолат 14 феврал куни содир бўлган. Тарбияланувчига қўл кўтарган тарбиячи Г. А.нинг иши жиноят ишлар бўйича Жомбой туман судида кўриб чиқилган.
Тарбиячига базавий ҳисоблаш миқдорининг 3 баробари (1млн 100 минг сўм) миқдорида жарима қўлланган. У билан тузилган меҳнат шартномаси ходимнинг ташаббуси билан бекор қилинган.
