Тошкентда яна ўқитувчи ўқувчига шилқимлик қилди
Суд қарори билан у 5 суткага қамалган.
6 март куни Тошкент шаҳар жиноят ишлари бўйича Сергели туман судида мактаб ўқувчисига шаҳвоний шилқимлик қилган ўқитувчига оид маъмурий иш кўриб чиқилди.
Аниқланишича, шу йилнинг 4 март куни 322-мактаб ўқитувчиси Э.П. 10-синф ўқувчиси Р.Ф.ни (қиз бола) ҳуқуқ дарсидан ҳар-хил бахоналар билан хонасига чақириб, тегажоқлик қилмоқчи бўлган. Шундан сўнг ҳолат юзасидан ИИО ходимлари томонидан тегишли ҳужжатлар расмийлаштирилган.
Суд қарорига кўра, судланувчи Э.П. МЖтКнинг 41-1-моддаси 1-қисмида назарда тутилган ҳуқуқбузарликни содир этганликда айбли деб топилди ва унга 5 сутка қамоқ жазоси тайинланди.
