АҚШда одамни учирадиган кучли шамол кузатилди
Шамол тезлиги 259 км/соатгача етган.
Нью-Хемпширдаги Маунт-Вашингтон давлат боғида штат ходимлари 193 км/соат тезликдаги кучли шамолларга қарши кураш олиб бордилар. Тоғ ҳудудида жойлашган бу паркда одатда оғир об-ҳаво шароитлари кузатилсада, бундай кучли шамол камдан-кам ҳолларда қайд этилади.
Метеорологлар шамол тезлиги баъзи вақтларда 259 км/соат гача етганини қайд этишди. Кучли шамоллар сабабли парк маъмурияти хавфсизлик чораларини кучайтириб, ташриф буюрувчиларга эҳтиёткорлик билан ҳаракат қилишни тавсия қилди.
Маҳаллий расмийлар ушбу шиддатли шамол туфайли баъзи йўлларда муаммолар юзага келганини билдирди. Парк ходимлари шамолнинг оқибатларини бартараф этиш учун кечаю кундуз иш олиб бормоқда.
