Бухоро аэропортида заргарлик буюмлари тўхтатиб қолинди
Улар орасида кўкрак нишонлари ҳам бўлган.
“Бухоро аэропорти” чегара божхона пости ва Авиация хавфсизлиги хизмати ходимларининг ўзаро ҳамкорлигида қимматбаҳо металлардан ясалган заргарлик буюмлари ҳамда маданий бойликларни ноқонуний равишда хорижга олиб чиқмоқчи бўлган шахс ушланди.
Аниқланишича, Бухоро – Санкт-Петербург йўналишидаги авиарейс орқали хорижга учиб кетмоқчи бўлган фуқаро умумий қиймати 165 миллион сўм бўлган заргарлик буюмларини божхона ходимининг оғзаки сўровида маълум қилмаган ва йўловчи божхона декларациясида қайд этмаган.
Олиб чиқиш меъёридан ортиқча бўлган жами 37 дона, оғирлиги 226,04 грамм бўлган заргарлик буюмлари ҳамда тарихий аҳамиятга эга 16 дона кўкрак нишонлари ва тангалар аниқланиб, ашё далил сифатида вақтинча сақловга олинди.
Ҳозирда мазкур ҳолат юзасидан божхона органлари томонидан тегишли тартибда иш олиб борилмоқда.
