Кўп гўшт истеъмол қилиш юрак касалликларига олиб келиши мумкин
Ҳафтасига уч порциядан ортиқ гўшт юракка зарар келтириши мумкин.
Ҳаддан ташқари кўп гўшт истеъмол қилиш юрак-қон томир касалликлари хавфини ошириши мумкин. Россия диетологи, Самара Диетология ва Диетотерапия Илмий-Тадқиқот Институтининг директори Михаил Гинзбург ҳафтасига уч порциядан ортиқ гўшт истеъмол қилиш юрак соғлиғига зарар етказиши мумкин, дея огоҳлантирди.
Шифокорнинг сўзларига кўра, айниқса ёғли қизил гўшт таркибидаги кўп миқдордаги тўйинган ёғлар қондаги холестерин даражасини оширади. Бу эса қон томирларининг ички деворларида атеросклеротик бляшкалар пайдо бўлишига сабаб бўлиши ва натижада юрак ишемик касаллиги, инфаркт ва бошқа юрак-қон томир касалликларини ривожлантириши мумкин.
Қайси маҳсулотларга эҳтиёт бўлиш керак?
- Қизил гўштнинг ёғли турлари
- Переработланган гўшт маҳсулотлари: колбаса, сосискалар ва бошқа қайта ишланган гўшт маҳсулотлари
- Ширинликлар ва юқори глюкозали маҳсулотлар: шакар, асал, қуруқ мевалар (хусусан, хурмо)
- Трансёғ ва зарарли ёғлар таркибли маҳсулотлар: чипслар, маргарин, пишириқлар ва қандолат маҳсулотлари
- Туз ва алкоголь – уларни ҳам чеклаш тавсия этилади
Гинзбургнинг таъкидлашича, юрак-қон томир тизимини соғлом сақлаш учун рационни мувозанатлаштириш муҳим. Гўштни бутунлай тарк этиш шарт эмас, бироқ уни меъёрида истеъмол қилиш тавсия этилади. Рационга сабзавотлар, балиқ, ўсимлик ёғлари ва дон маҳсулотларини киритиш юрак соғлиғини яхшилашга ёрдам беради.
