Қарши шаҳри ҳудуди кенгаяди
Лойиҳа 2042 йилгача амалга оширилади.
Ҳукумат қарори билан тасдиқланган Қарши шаҳрининг янги бош режасига кўра, Қашқадарё вилояти маркази сўнгги 18 йил ичида Косон, Қарши ва Кўкдала туманлари ҳудудига қараб 7 767 гектарга, яъни қарийб икки баравар кенгаяди.
Вазирлар Маҳакамаси қарорига кўра, Қарши шаҳри бош режасининг лойиҳаси Республика архитектура-шаҳарсозлик кенгаши билан келишилган, шаҳар ҳудудини 2042 йилгача бўлган даврда Косон, Қарши ва Кўкдала туманлари ҳудудига кенгаяди.
Шаҳар ҳудуди ҳозирги пайтда 8 минг 308,9 гектарни ташкил этса, 2030 йилнинг охирига қадар 11 минг 26,8 гектар, 2042 йил якунигача эса 16 минг 73,6 гектаргача ўзгаради.
Шу йилларда шаҳар аҳолиси сони 300 минг кишидан мос равишда 400 минг ва 470 минг кишигача кўпайиши кутилмоқда, уй-жой фонди эса бугунги 3 миллион 992,27 минг квадрат метрдан биринчи навбатда 7 миллион 200 минг квадрат метр, ҳисоб даврида 10 миллион 810 минг квадрат метргача ошиши режа қилинган.
