BMW компаниясининг йиллик даромади 37 фоизга камайди

Немис автомобиль бренди BMW 2024 йилда 7,68 миллиард евро соф фойда кўрди, бу эса 2023 йилга нисбатан 37 фоизга камдир. Компаниянинг умумий даромади ҳам 8,4 фоизга қисқариб, 142 миллиард еврони ташкил этди. Бу кетма-кет иккинчи йил давомида BMW молиявий кўрсаткичларининг пасайганини англатади.

 

Ушбу пасайишга бир нечта муҳим омиллар сабаб бўлди. Хитой бозорида автомобиль харидларига бўлган талабнинг камайиши ва етказиб берувчи Сонтинентал компаниясининг носоз тормоз тизимлари билан боғлиқ муаммолар BMW натижаларига салбий таъсир кўрсатди. Бунинг натижасида компания айрим моделларнинг сотувини вақтинча тўхтатишга мажбур бўлди. Ўтган йили жами 2,45 миллион автомобиль сотилган бўлиб, бу олдинги йилги 2,55 миллионга нисбатан камроқ.

 

Компаниянинг Роллс-Ройсе автомобиллари сотуви 5,3 фоизга қисқариб, 5,7 минг донани ташкил этди, MINI сотуви эса 17,1 фоизга пасайди. Бироқ BMW электромобилларининг сотуви 13,5 фоизга ўсиб, компаниянинг келажакдаги стратегик йўналишига ишончни оширди. BMW 2025 йилда ҳам глобал иқтисодий беқарорлик, геосиёсий ноаниқлик ва қийин бозор шароитлари бизнес натижаларига таъсирида зарар кўриси мумкин.