Фарғонада ҳайдовчилар йўл талашиб жанжаллашди
Ҳозирда ҳолат юзасидан жиноят иши қўзғатилган.
Учкўприк тумани Катта Кенагас қишлоғида содир бўлган жанжал бўйича вилоят ИИБ текширув ўтказди.
Маълумотларга кўра, 15 март куни Данғара тумани Олтиқўш маҳалласида яшовчи 2002 йилда туғилган A.N. ўзининг «Гентра» автомашинаси билан Учкўприк тумани Сойбўйи маҳалласи ҳудудида ҳаракатланиб келаётган пайтда «Спарк» русумли автомашинада бўлган Бағдод тумани Ултарма қишлоғида яшовчи M.S., Sh.M., X.R. ва A.A. билан йўл талашиб жанжаллашиб кетган.
Мазкур ҳолат шу куни Учкўприк туман ИИБ томонидан тегишли тартибда рўйхатга олиниб, терговга қадар текширув якунига кўра, Жиноят кодексининг 109-моддаси 2-қисми «б» банди билан жиноят иши қўзғатилди.
